八成港僱主撐混合工作模式

香港呢啲國際金融中心，喺在家工作方面都緊貼國際潮流，根據生產力促進局公布嘅調查結果，原來唔止係員工，連僱主方面都認為混合辦公模式可行性高。

呢一個《香港未來工作與技能》問卷以網上形式進行，訪問咗全港超過600名僱主及在職人士，分別有93%受訪員工同81%僱主認為，結合實體返工同在家工作嘅混合辦公模式，喺未來可以實行。

有效省卻公司開支

大多數受訪員工認為，混合辦公模式可以達致工作與生活之間嘅平衡、更有效管理時間同省卻開支。

此外，大多數受訪僱主認為，混合辦公模式有助提升工作安排嘅靈活性同彈性招聘策略，亦有效省卻公司開支。

不過，當中就淨係得31%受訪僱主認為，團隊已具備相關技術以適應混合辦公，有56%僱主會為員工提供資訊科技知識及數碼技能培訓，但就有83%受訪員工期望企業安排有關培訓，以提升生產力和競爭力。

既然係大勢所趨，咁絲絲都要考慮吓裝備自己，報個IT課程準備在家工作先！

爆料熱線：

(852) 3600 3600

傳真：

(852) 3600 8800

SMS：

(852) 6500 6500

電郵：

網上爆料：

MMS：