絲絲講場：Apple減少WFH 促9月返office辦公

疫情之下，在家工作（WFH）變成新常態，不過，呢個趨勢似乎好快會隨住疫情而成為歷史。事緣美國蘋果公司（Apple Inc.）嘅行政總裁庫克（Tim Cook）日前發電郵畀員工，親切地要求佢哋9月份返番辦公室返工。

准每年兩周遙距工作

外媒報道，庫克星期三朝早send咗電郵畀員工，好溫馨咁話，雖然過去一年在家工作，Apple仍然達成許多成就，不過，好多事情都仲係需要面對面去做。

佢又話，視像會議係拉近咗彼此之間嘅距離，但有啲嘢根本無法複製。嘩！咁誇張？唔講我仲以為係情信。

庫克要求Apple員工9月開始返去實體辦公室返工，多數員工每個禮拜最少要返辦公室3日，而星期三、五可揀在家上班，而部分業務需要面對面嘅團隊，一個禮拜則要返公司4至5日。

回想疫情爆發之前，Apple不嬲都唔鼓勵員工在家工作。不過，庫克今次在信中明確表示，未來員工每年可以有兩個禮拜時間遙距工作，而單位主管必須配合批准呢啲申請。

呢種混合模式一早有其他美企提出，科技公司Adobe計劃允許員工每星期在家工作2至3日，仲誇張到返辦公室工作必須預約座位添。

當然，亦有公司就選擇彈性處理，無明確在家工作日數，而是根據工作類型、年資等因素，再決定員工返公司坐鎮的頻率喎。反而唔少國際社交網絡巨頭明言允許部分員工永久在家工作，Twitter就公布過類似嘅聲明。

余絲韻

爆料熱線：

(852) 3600 3600

傳真：

(852) 3600 8800

SMS：

(852) 6500 6500

電郵：

網上爆料：

MMS：