絲絲講場：中誠信挑戰評級巨頭

中誠信創辦人兼董事長毛振華話，目前國際評級業務畀兩大美資機構穆迪同埋標普壟斷，但係佢哋對發展中國家嘅國情並唔了解，即使質素相對良好嘅債券都被評為垃圾級別，所以市場上極需要了解中國人民幣債券交易嘅評級機構，等發債人同埋投資者多一個選擇。

不過佢哋亦都承認，評級呢個行業唔係純粹科學，極需要透過經驗學習，所以預計頭兩年都係投資期，即係只作耕耘，不問收穫咁解，務求先盡快建立國際認受性，長遠目標就當然希望同兩大機構爭奪國際市場嘅份額啦。

絲絲仲收到風，毛總除咗做生意了得，以廿八歲之齡就創辦公司之外，學術上亦有相當大嘅成就，先喺武漢大學攻讀博士學位，繼而擔任人民大學經濟研究所所長，亦曾經喺國家經濟單位從事研究工作。佢當年矢志要建立中國嘅穆迪，結果喺○六年中誠信正正就係獲得穆迪入股，稱得上喺行內嘅傳奇。

<!--AD--><div class="footerAds clear"><a href="http://p18.on.cc/" target="_top">搵樓18</a>即睇最新樓價走勢、最全面地產新聞及筍盤情報</div><br><div class="footerAds clear"><a href="http://money18.on.cc/" target="_top">「Money18免費即秒股票報價網站」</a>現推出8升級功能，財經資訊，實時實發!</div><!--/AD-->