魏浚笙撩前輩鬥「戲」

男神魏浚笙（Jeffrey）近日夥拍潘燦良、張繼聰、謝安琪（Kay）及囡囡張靖（Kakaball），為銀行產品拍攝廣告。廣告導演大爆Jeffrey現身時，工作人員把拍攝現場擠得水洩不通，Jeffrey表示：「希望拍攝效果好啲，喺拍攝前一個星期，我基本上每日都操肌3個鐘，又戒晒所有澱粉質。能夠同前輩潘燦良趁機交流取『戲』經，真係好開心。」潘燦良首次與Jeffrey合作，指過程非常愉快：「佢工作態度好認真，又表現出對舞台劇嘅興趣，希望遲啲有機會鬥吓戲啦！」