何雁詩囝囝學懂爬行

歌手何雁詩昨日出席活動，她指患「天使綜合症」的兒子早前在美國完成3星期治療，大有進步：「依家識爬，同埋活動範圍大咗，希望有朝一日可以拖住佢行。（學識講嘢未？）『天使綜合症』嘅小朋友唔識講嘢，所以我同全家人都學緊手語，佢今日進步過昨日，我已經好滿足。」她讚囝囝叻仔，可完成每日5小時的治療，只是過程中感疲倦才爆喊：「我喺療程最後一日都有喊，不過係開心嘅眼淚。」農曆新年將至，她透露老公會隨父母帶囝囝到日本旅遊，而她則留港工作：「我想出嚟做嘢，唔係日日湊仔，咁先可以平衡到心理。」