何啟華爆ERROR內訌 差啲扯髮

男團ERROR成員何啟華（Dee）昨日接受電台訪問，談到參加《全民造星》期間，他曾偕兩位跳舞好兄弟Lokman及Alton向高層自薦組隊，然而最終卻分派到不同組合，他笑言：「冇唔開心！我反而慶幸冇入到MIRROR，佢哋兩個適合做偶像派。」ERROR成軍6年，Dee坦承經歷過不少磨合：「嗰陣我哋4個分咗兩邊咁，好多拗撬，但好彩我哋都係男人，有啲咩就會三口六面鬧清楚，係講晒粗口嗰隻。如果我哋係女仔嘅話，應該會扯頭髮添！」他披露隊友保錡經歷低潮期時，曾想過放棄，最終四人互相扶持跨越難關。