黎耀祥義氣助陣 蕭正楠失視帝提名 曹永廉戥唔抵

另外，阿廉拿阿蕭未能憑《巾幗梟雄之懸崖》入圍萬千星輝頒獎典禮爭「最佳男主角」，反而「降呢」變「最佳男配角」一事來開玩笑，他說：「我都唔知點解佢係男配角，其實應該係男主角，我上年推晒所有男主角嘅戲，就係想畀機會佢攞男主角，點知今年冇入圍。」阿蕭自言冇所謂，阿廉力撐好兄弟攞獎：「你一部劇演咗幾個角色，頂咗好多演員嘅位，令到人哋冇工開，你咁都攞唔到獎，我真係覺得唔應該，不過唔緊要，大把機會，你仲有幾年約係咪？」阿蕭見他口沒遮攔，即表示：「你再咁講落去，你可能過咗今晚就冇（約）㗎喇！我哋今日有高層喺度！」場面搞笑。此外，阿蕭的太太黃翠如現時懷有身孕，但亦有到廣州支持老公，她出外歎Tea時更被網民偶遇。