關嘉敏錄處女作 發掘另一把聲

藝人關嘉敏入行9年，推出第一首單飛音樂作品。日前她走入錄音室為處女作錄音，接受訪問時表示錄音前心情又興奮又緊張：「因為好耐冇入錄音室，感覺好陌生，加上我搵咗舒文監製新歌，曾經聽聞佢會搞到歌手喊，點知同佢第一次見面時，佢就自我介紹話佢唔惡同埋唔會搞喊我，認識咗佢之後先發覺，啲歌手畀佢『監』到喊，係因為佢會帶領歌手去首歌最深嘅位置，知咗首歌嘅Meaning先至會喊囉。」又開心在舒文身上獲益良多。