阿Mo「出院」參加派對 開心四圍望

在男團MIRROR前年的紅館演唱會意外中嚴重受傷的舞者李啟言（阿Mo）仍然留醫，Mo爸李盛林在港台節目《舊日的足跡》透露，阿Mo早前第一次出外參加聖誕派對：「阿Mo係全間醫院住得最耐嘅一個，差唔多兩年幾喇。醫院對面嘅酒店搞咗個聖誕派對，佢哋好有心邀請阿Mo同我哋一家一齊去參加。我哋推住坐輪椅嘅阿Mo過去，佢好開心周圍望。」李盛林又提到阿Mo今年7月開始接受一個全球創新治療，特別對脊柱神經創傷有反應，令阿Mo在輔助下個腦想到甚麼都可以做一些動作，形容以往似乎沒辦法的情況，現在終於迎來曙光。訪問同時會提及阿Mo的新年願望及其女友So Ching的動向。