劇集結局飯敍 陳家樂搵人「集郵」

由陳家樂、陳曉華和阮浩棕主演的無綫劇《異空感應》已大結局，劇集監製王心慰在播最後一集當晚相約台前幕後邊食飯邊睇電視，劇中飾演家樂媽咪的文雪兒在社交網上載照片，發文：「唔到最後一刻，都估唔到邊個係兇手，非常緊張，刺激！」而戴帽和眼鏡出席的家樂就不停跟同劇演員及監製合照留念。至於憑劇集人氣急升的阮浩棕就被何遠東從後攬到實，面上流露難捨難離之情，驟眼看以為兩人鬧分手。