簡淑兒意大利學烘焙

藝人簡淑兒（Jessica）熱愛烘焙，最近到意大利修讀無麩質烘焙班。她透露在當地上了一星期課堂，猶如重返大學時光：「我同其他同學一齊喺學校宿舍住咗一星期，宿舍好凍，我冚咗3張被仲係好凍，要着埋襪瞓覺。學校附近有農場，每日凌晨4點、11點同下晝5點就有雞啼，所以瞓得唔係咁好。不過最開心係識到來自世界各地嘅同學，有啲係專業廚師，有啲同我一樣係業餘人士，雖然只係相處咗一星期，但已經好快熟落。」問到會否學唐詩詠開麵包店？Jessica直指香港租金太昂貴，又說：「而且我係比較驚青嘅人，要有十成把握先做，所以依家學習更多相關知識先啦！」