被爆私訊四仔男星美瑾送上門撩「驗身」

身懷六甲的荷里活性感女神美瑾霍絲（Megan Fox），早前被傳怒飛不忠歌手未婚夫Machine Gun Kelly（MGK），決心做單身媽咪，不過，她卻遭美國四仔男星Danny D「出賣」她的曖昧私訊贈興！

出名「大支嘢」的Danny公開社交網私訊截圖，相中可見美瑾好奇地問他下體尺寸真偽：「我睇過你嘅視頻……係咪真㗎？」Danny懷疑是「騙子」，反問：「呢個冇可能係你……黑客入侵？下一步係咪要畀虛擬貨幣畀你？」之後美瑾用語音留言，但Danny仍然不信：「如果真係你，我下月會去拉斯維加斯，你或者想過嚟Say Hi？」美瑾竟然大感興趣，問他在拉斯維加斯住哪裏，更主動給他手機號碼，實行「送上門」！據知，Danny下月到賭城是出席「四仔界奧斯卡」《成人電影AVN大獎》。