譚輝智爭獎 另類「拉」票

《中年好聲音》歌手譚輝智、古淖文及顏米羔昨日出席活動獻唱，獲逾百粉絲撐場，場面熱鬧。講到聖誕，譚輝智稱一家人在澳門慶祝：「今日囝囝唔肯返嚟，得囡囡嚟陪我，一陣要買禮物畀小朋友，佢哋仲係相信有聖誕老人，但我忘記買禮物，同佢哋講聖誕老人好多禮物要派，所以派遲咗1日。」而顏米羔就做孝順仔，回家跟媽咪吃飯；古淖文則按傳統跟家人食消夜倒數，問到不用為下月個唱備戰而戒口嗎？他笑說：「吊頸都要抖吓氣。」又稱操肌已略見成績。另外，譚輝智對於入圍《萬千星輝頒獎典禮》最佳男新人獎5強，問他有否信心及如何拉票？身旁的顏米羔即笑說：「實有拉票，拉姑（狄波拉）嗰票。」譚輝智則說：「如果大家想敬老就投畀我啦！」