張繼聰遙撐女神 自命有型

出名「寵妻狂」的藝人張繼聰又有新招，日前上載挨住欄杆遙望商場大堂的背影照，原來其太太謝安琪正在出席活動，他為免搶風頭而在樓上做「背後男人」，寫道：「人追星，我追星，追得咁有型，罕見。」被網民取笑甜到蛀牙。他識氹老婆之餘，生活亦相當有品味，近日買了棵日本三河黑松回家，貪其「長長久久」之意，他分享兩公婆整理盆栽的照片，寫道：「迎接呢位小盆友返屋企，不過其實佢已經超過一百歲，呢次真係可以代代相傳。」