關嘉敏探訪長者 彌補遺憾

有份入圍無綫台慶頒獎禮「飛躍進步女藝員」的關嘉敏，近日被發現將一頭秀髮剪短，原來是因應新劇角色需要，且預告進組後將「愈剪愈短」，名副其實為藝術犧牲，關嘉敏說：「其實由8歲開始，我都未試過將頭髮剪到咁短，不過都會為觀眾帶嚟新鮮感。」至於聖誕節前後她忙於探訪長者們送暖，背後竟有個「遺憾的故事」！她透露：「我嫲嫲喺疫情期間過咗身，當時我只能隔住塊玻璃同佢FaceTime『道別』，至依家個心都仲唔舒服！所以希望喺大節日前後氹吓啲公公婆婆，令佢哋開開心心。」