張美妮施喊功眼淚流極都有

藝人張美妮在無綫劇集《異空感應》中展現喊功，令觀眾睇到心酸。日前美妮受訪時表示只要不顧儀容投入去演便可，她說：「今次真係喊好多，好似天台場戲，就算導演拍緊我對鞋，眼淚繼續流緊，工作人員叫我唔好喊住，唔好嘥眼淚，但我唔想放鬆，拍完好滿足，原來我都可以咁入戲。」她又指一入戲要幾多眼淚都有，笑言：「流咗一公斤眼淚。」

美妮自誕下囡囡後一度考慮淡出幕前，不過今次拍攝《異》劇便撻着了戲癮，她說：「尤其囡囡升小一返全日後，我唔係好適應，因為無嘢做，原來係我需要個女多過阿女需要我，依家好想多啲自己嘢做。」一向凍齡有術的她，更自言扮靚心得就是保持工作。