吳家樂爆王賢誌 早就周身街數

出身富裕家庭的王賢誌突然申請破產，曾是其暗戀對象的藝人吳家樂，前晚主持網台節目時談及此事，直言雙方有共同好友群組，早於疫情後已聽聞對方欠下街數：「睇到呢單新聞嘅時候，我冇愕然，知道幾年前佢爸爸已經唔再幫佢找數。」而且估計對方欠債不止3、400萬：「起碼兩年前都知佢有好多街數，所以依家要入稟破產，一定唔係300萬咁細嘅數目，大家睇到呢單新聞，經濟亦都真係差，希望佢盡快過咗呢個寒冬。」講到他們的緋聞關係，他直言覺得對方擺自己上枱做新聞，並再三撇清關係，強調只是認識20多年的同事。