任達華錫老婆 唔做大男人

影帝任達華、龔慈恩與朱鑑然前晚為主演電影《紅豆》謝票，戲中演大男人的任達華，被問到現實中是否聽晒老婆琦琦話？他識做地說：「當然啦！但仲有啲改善空間。」龔慈恩即大讚他絕非大男人，而且十分可愛：「同佢工作好開心，所有工作人員嘅氣氛佢都兼顧埋，好照顧人，好有風度，會畀女士行先。」任達華反讚對方至今仍保留對演戲的熱情：「好有堅持！無論新定舊嘅導演、演員、前輩，大家都要堅持信念，拍多啲好電影。」至於朱鑑然則表示，跟任達華合作冇壓力：「佢係好照顧大家嘅前輩，同佢合作不斷都有嘢學習到。」