張敬軒代「遮遮」買餸煮飯

歌手張敬軒（軒仔）和朱咪咪首次合拍廣告，二人在現場你一言我一語，嘈到似街市。軒仔坦言合作未夠喉，打算飛抵新加坡時，約定對方擔任其網上節目《軒仔敲碗》嘉賓，咪咪聞言即說：「敲碗呀？即是飲食節目？飲飲食食係我最愛，但我哋都可以透過網絡兩地連線呀，毋須飛來飛去！」軒仔口甜舌滑說：「但係我對住你真人會更開胃！」氹得咪咪笑不攏嘴。