江嘉敏聖誕等人約 諗定Plan B

同樣有份演出劇集《金式森林》的無綫小花江嘉敏，經過長時間努力下，身材愈來愈Fit。日前她相約好友整聖誕樹擺設，穿上一條低胸吊帶裙露事業線，相當有睇頭，她接受本報訪問時說：「當晚約咗朋友食飯補祝生日，所以先悉心打扮一下。」問到家中會否擺放聖誕樹，以增添節日氣氛？她說：「以前會擺，但依家養咗貓，佢會『襲擊』棵樹，所以只會用貼紙裝飾點綴吓。（聖誕有冇約會？）依家拍緊飲食節目，唔知到時使唔使開工，如果有人約咪出去玩，唔係就約細妹，雖然細妹都有自己朋友，但我哋好Sweet㗎！如果就到時間，我哋都會一齊去玩。」