Ian中「劇」毒 驚咗火腿丸

男團MIRROR的新團綜《MIRROR Chef》將於本月中首播，近日公開預告片，12子化身廚師進行廚藝比併，挑戰最討厭食物及罕見食材，當中Ian與副隊長Anson Kong被推舉為「真廚神」。有Fans趁機「考古」指Ian最怕食火腿丸，原因竟跟童年時看過無綫劇《封神榜》有關！Ian憶述：「喺劇裏面，紂王殺死咗個人，再將佢製成粉紅色肉丸畀受害者嘅爸爸食，之後佢就嘔咗兔仔出嚟，嗰啲粉紅色肉丸似火腿丸，睇完之後發噩夢，有段時間唔敢食火腿丸。」不少網民意外他曾是無綫劇迷。