譚耀文曾9個月冇收入

藝人譚耀文相隔逾18年，推出新歌《拼命三郎》，昨日他接受電台訪問，提到他於華星推出4張專輯後轉型拍劇，他解釋：「因為收入對我好重要，已經有9個月冇收入，我仲要還錢畀華星，咁啱就有劇集嚟搵我，仲要做主角！」他直言最初做演員，要忘記做歌手的風光，由頭來過：「嗰陣日日食杯麵，唔敢返屋企，唔敢面對父母同朋友，覺得自己跌咗落嚟，感覺辛酸又孤獨。」