李思欣遊越南 沙灘漫步

藝人李思欣日前跟老公范振鋒偷閒到越南旅行，到達峴港後，思欣即時到沙灘拍攝美照，她指從酒店的露台望出去，景觀開揚又舒服，心情大靚。到晚上，她又到會安古鎮觀光，更於色彩繽紛的燈籠下打卡，之後乘坐小船在河上放蓮花燈，祈求一切平安順利，思欣受訪謂：「我哋去嘅地方都係旅客必到嘅地方，Resort好舒服，因為我哋都要趕返香港做嘢，所以玩咗3日就走，下次有機會玩多幾日。」