李龍基珍惜未婚妻心意

李龍基昨日出席24 STORAGE兩周年活動開金口唱生日歌祝賀，他透露計劃與未婚妻王青霞（Chris）結婚後搬到中山居住，打算將珍藏物品放入迷你倉保存，當中除了名錶，最珍貴的要數Chris親手製作、以他造型塑造的兩個泥公仔，一講起在獄中的未婚妻他即感觸哽咽，他說：「諗到佢喺裏面就好唔舒服，失去自由，好似得一個人咁，想做咩都做唔到，係好大嘅痛苦……出年7月就可以出嚟，大家都互相捱埋佢啦，同埋佢依家都感覺到老公對佢不離不棄，心情都好好多。」