張敬軒悼劉家昌：玩夠就返地球

歌手張敬軒昨日上載合照，悼念日前因癌病逝世的「流行音樂教父」劉家昌，他讚劉家昌是一位音樂巨人，任性、自由、瘋狂、浪漫而執着：「佢教識我好多嘢，錄音、編曲、混音、演唱會製作、室內設計……我印象中，每次坐低食飯，佢都只係要一碗清茶撈飯，有碟鹹菜畀佢就得……老師，上到去是但寫吓歌仔唱吓歌好啦！唔好成日都咁勁，唔好嚇親其他人，聽歌喇叭唔好開咁大聲，玩夠就返番落嚟地球啦！每個世代都需要您。老師，好多謝您！再見！」字裏行間流露對劉家昌的敬愛。一直忙個不停的軒仔之前表示會放假，但昨日指假期已取消：「尋日收到壞消息，哀傷之餘，更加提醒自己要好好珍惜當下，堅持夢想，去做自己鍾意做嘅事。」