劉錫賢圓夢 與女神岑麗香合作

藝人劉錫賢為HOY TV劇集《我愛九龍城》客串演出，近日與岑麗香、古明華到一間舊式鐘錶行拍攝。劉錫賢與香香首次合作，他說：「香香對我嚟講可以話係女神，我記得佢啱啱出道，第一次做旅遊節目，播出時我就喺電視機前驚嘆，呢個女仔真係好可愛，當時已經好渴望合作，可惜因為大家唔同電視台，估唔到相隔咁多年居然有機會合作。」香香見到前輩也相當乖巧，主動要求合照，令他受寵若驚。劉錫賢拍拖3年的女友亦有前來探班，他預告明年將拉埋天窗。