昔日東方高鈞賢發聲護妻：早知佢再婚有兒
藝人高鈞賢日前宣布與圈外女友於加拿大註冊結婚，太太亦已懷有「小龍女」，明年1月兩人正式為人父母。不過，自高鈞賢公開婚訊後，網上即有不少揣測，指其太太是富婆、結過婚及有小朋友，一時又指高鈞賢曾「一腳踏兩船」。對於所有網上消息，他都一笑置之，但近日竟有人想藉此對他及太太作出攻擊，他希望從自己口中說出事實，免得被不懷好意、別有用心的人大做文章。
高鈞賢接受本報獨家訪問時，坦言太太年輕時結過婚，有兩名小朋友，他說：「太太向來靠自己努力做生意，開中醫美容院，佢結過婚同有小朋友呢啲事情我都知道得清清楚楚，都已經係過去式，而兩個小朋友依家亦同我哋新家庭一齊住，大家關係好好，對於網上一啲不實言論，太太始終係圈外人，佢根本無需要承受呢啲不必要嘅攻擊，亦唔想受到注視，BB就嚟出世，我只係想做一個好老公、好爸爸，建立一個幸福家庭，盡自己能力保護佢。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
