昔日東方羅天宇入圍「男配」兼歌曲獎
羅天宇雖然昨日缺席頒獎禮記者會，但他有4劇角色提名「最佳男配角」， 還有「最佳電視歌曲」提名，他受訪時謂：「唔係多提名就機會大，要睇好多因素，同埋《巾幗》我會睇好蕭正楠，佢一人演3個角色好難，我以為佢會入圍視帝。」
而傅嘉莉及阮浩棕獲提名「最佳男、女配角」及「男、女飛躍」，傅嘉莉感觸落淚：「舊年我冇機會上台講嘢，今次可以講出嚟。（之前輸獎唔甘心？）開心入咗5強，終於喺螢幕上見到自己。」說到爭「女配」再次對戰高海寧和劉穎鏇，傅嘉莉說：「今年競爭大，抱平常心。（兩劇提名女配分薄票數？）會咩？咁我更加冇機會。」
而阮浩棕則在台上講到哽咽，他說憶起拍攝《異空感應》時的艱辛過程：「角色反差大，拍攝期間經常崩潰、嚎哭，返到屋企都打震，難抽離角色，但都好享受。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
