鄭丹瑞暈倒 盧慧敏見死不救

鄭丹瑞、盧慧敏（Amy）與廖子妤為新片《得寵先生》四出宣傳，期間鄭丹瑞大爆Amy見死不救，事緣他在露天狗舍拍攝時中暑暈倒，他憶述：「30幾度，好曬，突然眼前一黑就『嘭』一聲瞓低。後來有工作員話我知，我同一個石級距離差少少，如果一撞落去就『係咁先』！佢（Amy）只係望住我，我睇到人性嘅冷暖。」Amy解釋是誤會，因鄭丹瑞經常加戲，故以為他扮暈：「當時心諗『佢都幾誇張喎』，同埋導演未嗌Cut，我繼續演自己嗰部分，諗起周星馳嗰句『導演未嗌Cut都要繼續演』！」直至導演嗌Cut後，見鄭丹瑞冇反應才知出事，鄭丹瑞即謂：「人命你都唔理，周星馳唔係教你見死不救喎！」