摸Pet Pet：移居內地 終遇心靈伴侶 何珮瑜一眼定情 刀口邊緣救狗

Jeana在圈中默默耕耘，曾參演不少作品，在電影《神探大戰》中就飾演劉青雲女兒，深情演繹令觀眾留下深刻印象。為了方便照顧家人，她近年搬到內地居住，早前收養了一隻小狗「春天」，收養過程原來相當轉折：「我喺一個送去狗肉店嘅狗籠見到佢，當時佢嘅眼神好憂傷，我一望就覺得要收養佢，因為佢喺江西，我用咗好多方法先能夠送佢嚟北京，嚟到嘅時候，佢好肚餓，一口氣食咗5碗狗糧，我亦第一時間幫佢剃毛、沖涼同睇醫生，佢成身都係傷口，啲牙仲削到貼住牙肉，好彩檢查完冇乜大礙，只係肚裏面有蟲，驅蟲就可以。」

經過Jeana悉心照顧，「春天」慢慢康復，性格亦由驚青變得相當活潑紮紮跳，Jeana將愛犬名為「春天」，其實有「重生」的意思：「春天萬物生長，寓意重新開始。」她與家人都視愛犬為家中一分子，現時待在外讀書的弟弟農曆新年回家時，一家人就準備拍攝全家福。Jeana還笑言「春天」很懂人性，跟牠傾偈時眼仔睩睩，好像明白她在說甚麼，是非常好的聆聽者。