葉蒨文 生日飯食足兩個月

無綫小花葉蒨文9月底牛一，但生日飯卻食足兩個月，她在社交網透露：「呢兩個月多謝大家谷肥咗我，瘋狂食生日飯令我肥咗4KG，好彩台慶排舞同繁忙嘅工作，令我臨急臨忙減番2KG。」及時收身的葉蒨文在台慶夜成功升Cup，以谷胸造型亮相，甚是吸睛，她說：「幾年冇表演過台慶跳舞，台慶前兩星期每日都跳6個鐘，有啲唔太適應，加上要着住對高踭鞋跳舞，所以有少少肌肉發炎。 」