張敬軒做戶外騷提粉絲包實條頸

歌手張敬軒將於今、明兩日在西九文化區與韓國抒情歌手成始景及其他樂團、音樂人等出席戶外音樂盛宴，屆時軒仔會跟成始景破天荒合唱經典歌。軒仔昨日於社交網表示為了一連兩日的演出，要練好韓文，更貼心叮囑粉絲們要着多件衫，他留言：「最緊要包住條頸，飲暖嘢，食好飯，見吓會令你開心嘅人，做吓令自己開心嘅事，自然好多嘢都會順利㗎喇。」

不過軒仔的愛貓才剛火化，有粉絲擔心他在強顏歡笑，他亦跟大家說：「至於我呢，唔使太擔心，離愁別緒總係需要啲時間過，畢竟喺我嘅人生入面，都唔係第一次，話晒我都見過大場面。」之後他又指下個月一日開始放假，向網民攞意見：「有10幾日假去邊度玩好？想自己一個靜靜地，但係又可以食番啲好嘢增肥，有咩提議先？」