「你結咗婚未？」楊茜堯逼供玩謝楊明

視后楊茜堯與楊明是同期訓練班出身，老友鬼鬼，昨日兩人出席《黑色月光》宣傳活動，劇中男主角王浩信難得現身，但他活動後要趕往電台錄節目，故未有接受傳媒訪問。楊茜堯稱劇集令她收穫良多，工作量增加，已收到不少劇本邀約，問到會否倣效黎耀祥一年只拍一劇？她說：「一年一劇好OK，因為我要好多時間去照顧小朋友，有合適劇本都想拍。」問她會否想跟楊明再合作？楊茜堯即寸對方：「佢一年拍10套劇唔知有冇時間，我要打畀Lisa（楊明女友莊思明）問，佢係你女友定老婆？」楊明表示遲些告訴她，楊茜堯再追問：「你結咗婚未？」楊明沒好氣地說：「你手指拗出唔拗入。」

另外，有指楊堯茜與老公為風水而搬屋，她稱太誇張：「我哋都搬咗年幾，話我哋係皇帝屋，太睇得起我哋，亦太睇低有錢人，主要係方便小朋友返學，所以搬屋，冇睇風水呢啲嘢。」