昔日東方陳曉華拒織頸巾畀朱敏瀚
藝人陳曉華（Hera）昨日穿上短裙騷長腿出席商場活動，除對現場粉絲表現親切，不停甜笑擺可愛甫士之外，對現場的冷帽亦愛不釋手，原來她是「織女」，最愛「宅」在家中編織，她說：「織過杯墊同我鍾意食嘅蛋撻形咕𠱸，但唔係好似，想再挑戰織難度高嘅漢堡包同枱墊。」問到可有送織物給異性？她自言十幾歲時織過頸巾送給爸爸，雖然製成品手工麻麻，但爸爸沿用至今，相當窩心。問到可會織頸巾送給緋聞男友朱敏瀚（朱仔）？她拒絕謂：「織物梗係自用啦，織得咁辛苦。（男仔送織物可會加分？）我會好驚囉，因為男仔織嘢多數唔靚，除非靚，我先加分。」
她又透露會留港過聖誕，但只會出街影燈飾靚相，其餘時間多數留在家中編織及收看其任女主角的新劇《異空感應》，問到可會叫朱仔捧場？她又避談朱仔說：「我會叫晒啲朋友睇，好似陳瀅、劉佩玥、周嘉洛，尤其係胡定欣，想畀佢知我已經大個女。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
