連詩雅湊女出街 百寶袋傍身

藝人連詩雅（Shiga）今年7月誕下愛女，升呢媽媽的她不時在社交網分享湊B心得，近日就拍片分享帶囡囡出街時需要攜帶的物品。片中見Shiga的巨型奶粉袋猶如百寶袋，BB用品應有盡有，包括尿片、抹口水的紗巾、口水肩、兩套衫仔、手套仔、大包小包的濕紙巾等，絕對是一位細心媽咪，照顧囡囡無微不至。最搞笑的是她連帶奶嘴都相當講究，直言會視乎囡囡的心情來選擇：「會有唔同大細、口感嘅奶嘴，睇佢心情鍾意用邊款。」帶小朋友出街如此大陣仗，做媽媽認真不容易！