黃劍文澳洲宣道有粉絲

無綫節目《中年好聲音》歌手黃劍文早前隨藝人之家到澳洲分享見證，前晚返港時獲數十名粉絲手持應援物及鮮花接機。他表示在澳洲有兩星期是到墨爾本及布里斯本共舉行了12場布道會，亦有到學校、老人院探訪。問有否市民認出他，他說：「喺街間中有人話認得我，因為當地有唔少香港人，話有睇《中年好聲音》。」他表示自己還在珀斯多留了5天遊玩：「12年冇返過珀斯，當年喺嗰度做人生首個Busking，周圍環境變咗好多，今次有申請做Busking，以前好快就批，但依家要成個星期，變咗趕唔切。」