獨家追蹤：賀歲檔7片大亂鬥！ 古天樂做硬贏家 阿Sa趕戲晚晚通頂

藝人阿Sa、張繼聰與吳家忻前晚為電影《祥賭必贏》開工，由於該片上月才開拍，監製伍健雄早前受訪時講明未知能否趕及賀歲，但會向這目標進發。近月劇組連日趕工，前晚阿Sa、張繼聰與胡楓便於銅鑼灣拍攝一場阿Sa搵爺爺的戲份，問是否要通頂？阿Sa坦言已開了幾晚通宵：「今朝9點先收工，有幾日都拍通宵，不過拍戲都係無可避免。（你個樣好精神喎！）我好眼瞓呀！眼就快跌落嚟咁滯。」

雖然如此疲累，阿Sa依然狀態十足，拍攝「快、靚、正」之餘，樣子亦相當醒神，連樓上的猛男亦忍不住探頭張望。而她、張繼聰與劇組全程非常照顧胡楓，不時陪他傾偈，又安排「王座」讓他隨時坐低休息，非常周到！阿Sa表示今次拍攝相當開心，一班演員經常把角色扭轉「加料」，令她笑到橫膈膜痛：「返到屋企都仲痛緊，所以雖然時間顛倒晒，但都拍得好開心。」

古天樂上月偕周秀娜、胡子彤等開拍賀歲片《臨時決鬥》，未幾就到《祥》片及馬國明的《麻雀女王追男仔》輪住開拍，令蛇年共有3部香港電影賀歲，加埋馬來西亞的《OMG！阿媽有喜》、《做個有錢人》、《半斤百兩》及日前剛開拍的《哈哈哈新年喜戲》，即兩地共有7部電影於農曆新年檔上陣。古天樂看似「1打6」，實質除了《OMG！》及《半》片外，其他作品均有他的旗下演員演出，「一家人」分散搵食，認真和味！

而當中以陳靜與張繼聰最「多產」，香港與馬來西亞賀歲片都有份，陳靜剛在港完成《麻》片便飛往馬國為《哈》片開工，監製兼演員姜皓文亦直言如今才開拍賀歲片是「好趕、好趕、好趕」，幸好一切順利；而陳靜前晚甫出自拍照，相中見她一頭鬈髮，精神十足。

另外，歐陽震華與蘇志威等主演的《半》片昨日發放前導預告片及海報，歐陽震華的角色表面上是有錢人，實質是一名老千，亦正亦邪甚有發揮。