遇劣質導遊 莊思敏捱鬧受騙

藝人莊思敏近日偕同好友吳若希等一行7人到雲南旅行，先後到訪昆明、大理、麗江及香格里拉等地，不過卻遇上劣質導遊，疑被呃錢。莊思敏透露她們參加了當地旅行團，3個導遊當中有兩個「唔達標」：「佢哋連當地文化背景都講錯，有個導遊仲鬧我哋，懷疑呃錢。當日我哋已經買咗氧氣上雪山，但個導遊堅持要喺山腰位置入去一間機構聽講解，入到去就猛叫我哋買氧氣樽同保健品，畀錢時係落銷售員個名，我哋問點解，佢有10萬個理由，最後我趕時間冇同佢拗。」