謝君豪做監製變搞真人騷

由影帝謝君豪策劃兼任導師、陳湛文主持，以選拔演員為主題的真人騷節目《選角》，46位入圍學員接受教導，提升演戲技巧。謝君豪指當初只為統一監製劇集《光明大押》的演戲風格而開班，卻無心插柳變成真人騷，談到首次做真人騷，他笑指曾質疑其可行性：「唱歌就得啫，演戲係咪都得㗎？之後慢慢構思，覺得淨係做真人騷睇反應就冇意思，真係要提供教班，等佢哋有正確演戲觀念，加上自己嘅經驗，等大家對演戲有一個共同嘅理解同思想。」他笑言曾擔心成效，後來決定不去理會，提醒學員不要當「做騷」：「目的係要佢哋經歷演戲必須經歷嘅成功、失敗同等待呢3件事情！」