袁偉豪陳家樂 搞湊B交流會

藝人袁偉豪、陳家樂和葉泓聲各有家室，已齊齊升呢做爸爸。日前，他們各自帶上老婆和孩子前往濕地公園，舉行父母交流會，享受親子樂。3位爸爸湊B有一手，令張寶兒、連詩雅和陳樂榣相當放心。只見袁偉豪和陳家樂抱B手勢純熟，B仔B女在爸爸懷抱一臉滿足。袁偉豪留言表示：「就嚟一歲的『袁咕碌』，開始對身邊一切事物都好好奇，與其成日喺室內玩，今次就趁秋涼約埋啲Friends去吓濕地公園，其實香港生物多樣性好豐富，如果有機會遇到香港獨有動植物，各位BB一定可以聲畫俱全咁有效學習。」