周吉佩輸在為食 爆肌無望

無綫《中年好聲音》歌手周吉佩（吉吉）和譚輝智前晚為《萬千星輝賀台慶》綵排。本月30日將舉行首個個人演唱會的吉吉全程戴上口罩，他稱今年曾因感冒兩度失聲，擔心騷前會病倒，又透露已廣邀《中年》的歌手來睇騷。問到可會騷肌？他直言不會刻意，會若隱若現，笑言想向輝智之前的爆肌海報進發，但忍不到口，又直言跟太太因為歌單流程有爭執：「我叫佢唔好理，佢嬲到走咗，但我都覺得自己唔啱，同太太要講聲對唔住。」