許靖韻踩上門箍煲

歌手許靖韻（Angela）推出今年第3首廣東歌作品《作賤》，她透露為了更加投入，錄音時一直聽着容祖兒的歌曲《出賣》幫助「入戲」：「我好鍾意呢首歌，個Feel亦好中，雖然歌詞唔同，但成個意境就係呢個感覺，真心慘絕人寰！」問到情路上是否有作賤自己的經歷？她笑言經驗豐富：「中學嘅時候冇乜錢，試過連續好多日捱肚餓、同人Share Lunch，儲錢買波鞋畀當時嘅初戀。另外我諗比較細個先會失去理智，就好似MV入面咁樣，瘋狂打好多次電話畀對方，呢種都係比較卑微嘅感情狀態。」她滔滔不絕地分享：「同對方鬧交，每次都係我認錯先，每次分手都係我去氹番對方先，試過直程去對方屋企搵對方復合。」