Marf鬧交動粗嗌爽

女團COLLAR成員邱彥筒（Marf）與新人陳書昕（Sheena）主演的電影《寄了一整個春天》前日舉行業界友好場，兩人穿上戲中校服現身。談到戲中雙方有一場嗌交及打交戲，Marf笑言一開始有難度：「我同Sheena圍讀時其實仲未係太熟，好驚會打痛佢，排戲嗰時就住就住，但到拍攝時我哋已經同戲中角色嘅感情一樣咁好，拍完嗰幕都幾爽。」Sheena笑言到了拍攝後期二人已成好友：「之前圍讀排戲，我哋真係好小心，但去到拍攝嗰一場時已經好老友，所以都出盡力去打對方，真係好痛，拍咗一Take就搞掂！」