周殷廷被麻繩索頸：眼球想爆咁！

歌手周殷廷（YT）近日推出新歌《阿修羅》，MV中他有不少驚險鏡頭，其中一幕他被幾個人用麻繩索頸，並在地上拖行，這一幕亦差點發生意外，YT憶述：「當佢哋用繩索頸時，我會用手捉住麻繩，但正式拍攝時，我甩手捉唔住，條繩真係索住我條頸，一扯即時呼吸困難，感覺到腦充血，眼球想爆咁，我心諗大鑊喇！」幸在最後關頭都能完成拍攝，工作人員即衝上前大讚他好戲，YT沒好氣的笑說：「唔係戲呀！我真係抖唔到氣。」