蔡思貝轉戰綜藝 爆喊揭私隱

視后蔡思貝近年甚少機會拍劇，反而轉投綜藝節目發展，早前到阿拉伯海的索科特拉島拍攝《與天地對話》，坦言是香港首隊攝製隊前往當地取景，要轉3次機才到達，她說：「當中有Part係同自己對話，拍攝時工作人員放低對講機就離開，嗰Part爆咗自己心裏面好多說話出嚟。節目送咗驚喜畀我哋，令我哋個個都喊。」問到現時是否只拍綜藝節目？她說：「咁啱啫！咁啱監製搵我，上山下海好特別，拍劇嚟緊都會有，不過未可以透露住。」談到樣貌Sharp醒不少，輪廓分明，鼻樑亦顯得比平時高，她說：「反而之前拍綜藝成日曬，曬到甩皮，黑咗好多。今次拍呢個節目，連馬甲線都騷出嚟，所以各樣都Sharp咗。」