江嘉敏跳繩受傷痛到想喊

無綫小花江嘉敏之前拍完新劇《金式森林》後，除了不時跑步鍛煉身體外，更有相約同事打羽毛球，相當好動。日前她挑戰跳繩，更跟一班年輕人「比試」，但最終跳到腳皮都甩埋，她將受傷相片放上社交網的限時動態，並配文：「人跳繩，我跳繩，點樣先可以跳到成塊皮甩咗！」真係隔住個Mon覺得痛呀！

她接受本報訪問時謂：「尋日我同啲年輕人跳繩，跳時我已經覺得自己年紀大，氣力唔夠，點知跳完覺得有啲腳痛，但我都冇為意，點知沖涼時勁痛，我先見到原來塊皮甩咗，我依家痛不欲生，每行一步路都想喊呀！」