龔嘉欣湊B 預習做人母

無綫花旦龔嘉欣近日在社交網分享湊小朋友短片，她先與小朋友玩到爬上爬落，猶如大細路，又抱着BB氹瞓覺，母愛爆棚，嘉欣留言：「由一個月大嘅BB到4歲嘅小朋友都可以放心交畀我，歡迎大家預約，其實細個我嘅志願係幼稚園老師，真係唔知點解由細到大都好鍾意小朋友同BB，佢哋又好似感受到，真係有種魔力，佢哋都願意跟我同埋好少會喊，多謝各位家長成日提供BB同小朋友畀我玩。」網民留言大讚嘉欣未來會是好媽媽，又追問她計劃甚麼時候生BB。