洪嘉豪衝出香港 又變喊包

歌手洪嘉豪前晚在澳門舉行首個海外演唱會，雖然因感冒而睇了7次醫生，但未有影響其演出，臨完騷才有點聲沙。為增添新鮮感，他特別準備5套新裝，還將之前紅館個唱的曲目重新編排，加插新歌。他自爆為於紅館哭成淚人而耿耿於懷：「明明係一個好好機會，話畀人知我做到，但嗰次又衰咗，導致創傷後遺症，今晚克服到再唱一次，係咪值得畀掌聲！」演出期間，大會播出來自不同地方的歌迷為他準備的生日應援片段，全場9千觀眾合唱生日歌，令他大為感動，唱至最後一曲《洗面》時，他終忍不住再變喊包。