林家謙冷面笑匠 驚拍戲「失靈」

歌手林家謙昨日偕蔡穎恩、林家熙等出席時裝品牌活動，他坦言從未試過着情侶裝，平日愛簡約打扮，甚至會穿街坊裝：「普通到大家未必認到我，不過都試過畀Fans認出，我戴咗帽同口罩，佢話認到我耳仔粒癦，心服口服！」談到為英皇電影《破．地獄》唱作主題曲，問會否有興趣拍戲？他直言沒想過，但朋友覺得他是冷面笑匠：「話我似許冠文，唔笑嘅時候就引到人笑，不過唔知做戲時做唔做到，因為呢個係我真實嘅人生。」他直言想跟許冠文合作，因為大家都是處女座，而且同日生日，他笑說：「處女座出品必屬佳品。」