Kiri T.恨再與容祖兒合作

女歌手Kiri T.與樂隊Zpecial前晚為《MTR Malls Night Lounge晚間音樂會》獻唱，吸引大批途人駐足欣賞。Kiri T.本月19日將舉行處女音樂會，預告會為樂迷帶來驚喜：「除咗自己嘅歌，都會唱其他人嘅歌，係大家估唔到嘅曲目，仲請咗音樂人擔任嘉賓，但唔可以劇透住。」提到樂壇天后容祖兒近日Cover她的歌曲《至少做一件離譜的事》，曾為祖兒作曲的她大感高興：「希望可以同佢合作，無論係合唱定係作歌畀佢都可以。」至於Zpecial透露月底將推出新歌及到全港各大學舉行巡迴演唱。